Indian Flag Code

 జాతీయ జెండాను ఎగురవేసేటప్పుడు పాటించవలసిన ముఖ్య మైన నియమాలు.

ఆగస్ట్ 15  స్వాతంత్ర్య దినోత్సవం మీ ఇంటి పైన జెండా ఎగరించ బోతున్నారా... ఈ 10 అంశాలు తెలుసుకోండి.

ఆగస్టు 13వ తేది నుంచి 15వతేదీ వరకు మన దేశ ప్రజలంతా తమ గృహాలపై మువ్వన్నెల పతాకాన్ని ఎగురవేయాలని మన ప్రధాని నరేంద్ర మోదీ గారు ప్రజలందరికీ పిలుపునిచ్చారు. 

నేటి వరకు చాలామంది ప్రజలు జాతీయ జెండాను ఫోటో ను తమ సోషల్ మీడియా ప్రొఫైల్ పిక్చర్‌గా పెట్టేశారు. మరి,  మీ ఇంటి పైన మన జెండా ఎగురవేయాలంటే కొన్ని రూల్స్ ఉంటాయి. ఈ రూల్స్ ఏమిటో తెలుసుకోవాలి. మన దేశపు ఫ్లాగ్ కోడ్ ఏంటో కూడా తెలుసుకోనీ వుండాలి.

ఫ్లాగ్ కోడ్ అంటే ఏమిటి?

మువ్వన్నెల జెండాను ఎగరవేయడానికి ప్రతి పౌరుడు  ఫ్లాగ్ కోడ్ 2002 ను పాటించాల్సి ఉంది. అలానే యాంటీ డిఫమేషన్ ఆఫ్ నేషనల్ సింబల్స్ యాక్ట్ -1971 రూల్స్ కూడా పాటించాల్సి ఉన్నది..

ఈ కోడ్‌లోని నిబంధన 2.1 ప్రకారం, జాతీయ జెండా పట్ల పూర్తి గౌరవంతో సాధారణ పౌరులు ఏ ప్రదేశంలోనైనా జెండాను ఎగురవేయవచ్చు. దీనిపై ఎలాంటి నిషేధం లేదు.

అలాగే, జాతీయ జెండాను అవమానపరిస్తే  మొదటి తప్పుకు 3 సంవత్సరములు జైలు శిక్ష మరియు జరిమానా విధించే నియమం ఉన్నది.

2002 జనవరి 26న కొత్త కోడ్ అమల్లోకి వచ్చింది. ఇంతకు మునుపే నేషనల్ సింబల్స్ మరియు నేమ్స్ యాక్ట్ -1950, యాంటీ డిఫమేషన్ ఆఫ్ నేషనల్ సింబల్స్ యాక్ట్ -1971 ఉండెను.

ఈ మధ్యనే ఈ కోడ్‌లో 2 ప్రధాన మార్పులు చేశారు. 2022 జూలై 20 న చేసిన సవరణ ప్రకారంగా, ఇప్పుడు జాతీయ జెండాను పగలు మరియు రాత్రి కూడా ఎగురవేయవచ్చు. అది బహిరంగ ప్రదేశమైనా, ఇంటి పైన అయిన ఎగరేయడానికి పర్మిషన్ ఉంది.

అంతకు ముందు మన త్రివర్ణ పతాకాన్ని ను సూర్యోదయం నుంచి సూర్యాస్తమయం వరకు మాత్రమే ఎగురవేయడానికి పర్మిషన్ ఉండేది.

మన జాతీయ జెండా ను పాలిస్టర్ ఫాబ్రిక్‌తో తయారు చేయడానికి 30డిసెంబరు2021 నుంచి అనుమతించారు. గతంలో ఖాదీ బట్టతో మాత్రమే త్రివర్ణ పతాకాన్ని తయారీకి పర్మిషన్ ఉండేది.

జాతీయ జెండాను ఎగురవేసేటప్పుడు గుర్తుంచుకోవాల్సిన విషయాలు:

ప్రభుత్వ ఫ్లాగ్ కోడ్ గతంలో చాలా కఠినంగా ఉండేది. ఇప్పుడు దానిని సరళీకృతం చేశారు. అయినప్పటికిని జాతీయ జెండాను ఎగురవేసేటప్పుడు ఈ  విషయాలను మనం తప్పక గుర్తుంచుకోవడం చాలా ముఖ్యం.

1.జెండాను ఎగరేసేటప్పుడు అది చిరిగిపోయి ఉండకూడదు. నలిగిపోయిన, తిరగబడిన జెండాను ఎగరవేయరాదు. సరైన స్థలంలోనే జెండాను ఎగరేయాలి.

2. జాతీయ జెండాను ఎగరేసే ఎత్తులో లేదా అంతకంటే ఎక్కువ ఎత్తులో మరే ఇతర జెండాఎగురవేయకూడదు.

3. జెండాను ఎలాంటి అలంకరణకు ఉపయోగించకూడదు.

4. త్రివర్ణ పతాకాన్ని ఎగురవేసేటప్పుడు, కాషాయ రంగు పైకి ఉండేలా జాగ్రత్త పడాలి.

5. జెండా కర్ర మీద లేదా జెండాపైన పూలు, ఆకులు, దండలు పెట్టకూడదు.

6. జెండాపై ఏమీ రాయకూడదు. ఏ వస్తువు మీద కప్పడానికి జెండాను ఉపయోగించకూడదు.

7. జెండాను ఎగురవేయడానికి సిద్ధం చేస్తున్నప్పుడు, అవసరమైతే పువ్వులు అందులో ఉంచవచ్చు.

8. జాతీయ జెండా నేల మీద పడేయ కుండ వుండాలి, నీటిపై తేలనీయకూడదు.

9. జెండాను వేసుకునే దుస్తులుగా కుట్టించుకోకూడదు. నడుము కింది భాగంలో చుట్టుకోకూడదు. రుమాలుగా,  సోఫా కవర్‌గా, న్యాప్‌కిన్‌గా, లోదుస్తుల తయారీకి ఉపయోగించకూడదు.

10. జెండాను ఎగురవేసేటప్పుడు, అది జెండా కర్రకు కుడి వైపున ఉండాలి.

Join our telegram channel

👇👇👇👇

CLICK HERE